Mandat

Evalueringsarbeidet har som mål å fremje læring og eit kunnskapsbasert norsk utviklingssamarbeid, i tillegg til å halde aktørane i norsk utviklingspolitikk forvaltningsmessig ansvarlege.

Oppgåva er regulert gjennom Instruks for evalueringsoppgaven i norsk utviklingsamarbeid. Instruksen er fastsett av Utanriksdepartementet (UD) og Klima- og miljødepartementet (KLD) og gyldig frå 1. januar 2025.

Evalueringsarbeidet bygger på retningslinjene for evaluering i Reglement for økonomistyring i staten og i utviklingskomitéen til OECD (DAC).

Verkeområde

Instruksen gir evalueringsavdelinga myndigheit til å evaluere alle aktivitetar som vert finansierte over det norske bistandsbudsjettet. Avdelinga kan sjølv bestemme kva som skal evaluerast, kva spørsmål som skal stillast og korleis evalueringane skal gjennomførast.

Dette gjeld uavhengig av kven som forvaltar bistanden - anten det er Utanriksdepartementet, Klima- og miljødepartementet, utanriksstasjonar, underliggande etatar eller frivillige organisasjonar.