Fellesevaluering av den samla internasjonale utviklings- og humanitære responsen på covid-19 pandemien

Koronapandemien (covid-19) førte til ein omfattande internasjonal utviklings- og humanitær respons. «Fellesevaluering av den samla internasjonale utviklings- og humanitære responsen på covid-19 pandemien» vurderte kor relevant, samanhengande, effektiv og kostnadseffektiv den samla responsen var i perioden 2020–2022. Rapporten gir eit overordna bilete av korleis internasjonale aktørar mobiliserte ressursar, samordna innsatsen og støtta samarbeidsland gjennom pandemien.

Sentrale funn og læringspunkt er:

• God beredskap, etablerte partnarskap og mekanismar for samordning var viktig for å kunne reagere raskt og effektivt på krisa.
• Fleksibel finansiering gjennom det multilaterale systemet gjorde det mogleg å reagere raskare og meir samordna, og å tilpasse innsatsen til nye behov.
• Ulik tilgang til vaksinar synleggjorde strukturelle utfordringar i det internasjonale systemet og gjorde det vanskelegare å sikre likeverdige resultat.

Evalueringa blei gjennomført gjennom COVID-19 Global Evaluation Coalition og var eit samarbeid mellom meir enn 60 organisasjonar, mellom anna fleire norske institusjonar. Organisasjonen for økonomisk samarbeid og utvikling (OECD) koordinerte og leia evalueringa.